ابغى شعري ينعم في خلال اسبوع

السلام عليكم عليكم ورحمه الله وبركاته
ما كسب العطار الا انا شعري كله زيوت جميع انواع الزيوت وليته ناعم يعني مو ناعم بس ابغى خلطه سريه تخلي شعري ينعم خلال اسبوع
تكفون شوفو لي حل بأسرع وقت باقي على الامتياز شهر في المستشفى لازم يكون شكلي في المستشفى ايتيكيت
الله يعطيكم العافيه
لا تبطون علي

محمد الناشري كتب:

لتطويل الشعر ونعومته

هل رغبت يوما ان يكون لديك شعر ناعم كالحرير وطويل يغار منه الجميع
أضيفي الحنة مع بيضة واحدة و3ملاعق زبادي و3 ملاعق من زيت اللوز
وأعجنيها بمغلي الحلبة وأتركيها لمدة 3ساعات ثم ضعيه على شعرك لمدة أربع ساعات على الأقل أستخدميه كل أسبوعين.......

لتطويل الشعر بفترة قياسيه!!!!
هذي الخلطه لقيتها في منتدى وعجبتني ونقلتها لكم بالحرف وهذا كلام صاحبة الخلطه تقول:

آنا عندي لكم وصفة تطول الشعر بمدة قياسية وبشكل كبر ونتايجها تشبه نتيجة زيت أم لجدايل......

اليوم كنت بالمشغل وشافتني وحدة عجوز شوي وقلتلها اني ادور شي يطول الشعر فقالتلي عن شغلة واجد سهلة وتقول ان بناتها على طول يستخدمونها....
والله يابنات ان العجوز هذي من طول شعرها انها تقعد عليه!!
آنا استغربت انها مرة كبيرة وشعرها هالطول ويلمع وناعم....

الخلطة اللي قالتلي عنها مايبيلها شيء:
أخذي ترمس مطحون وانقعيه في ماء حار من الصبح الى الليل، بعدين صفيه وغسلي شعرك فيه أو ادهنيه فيه المهم إنك تخلينه على شعرك من الليل إلى الصبح بدون ماتشطفينه وخلال 10 ايام بتلاحظين الفرق، وتقول بعد ان هالخلطة تساعد على فرد الشعر المجعد.

بالنسبة لكمية الترمس قالتلي احط 3 ملاعق كبيرة مع كوبين ماء حار وانتوا زيدوا الكمية حسب الطول...

وتقول بما أن الترمس بيكون مطحون وعشان تتجنبين انه يلصق بالشعر مثل البودر ممكن تحطين الترمس في قطعة شاش وتلفينها عدل وبعدين تنقعينها بالماي عشا ما تلصق بالشعر..

انشالله تجربون هالوصفة وتبشروني بالنتايج و آنا ببدى فيها من اليوم انشالله.
بلاستيك وفوقه منشفه دافيه لكلا الخلطتين.


منقووووووووووول
وان شاء الله يطول وينعم شعرك بس الرجال ميعيبه شي

تصدق يا محمد شكلي بجربها
الصقر الفارسي يقولون المايونيز يفرد الشعر
لكن أطباء الامتياز يمدحون لهم الجل ،عملي ويثبت الشعر والشعر الناعم متعب بصراحة

مشكووره يا نبضه الود
الجل يسبب تكسيير الشعر