قصه كل يتمنا تجيه بالغلط مثلها

من طرف الصقر الفارسي الجمعة يونيو 25, 2010 7:17 am

الشايب والوايت

شايب نوى يشتري له وايت علشان يسقي الحلال ,
[b][b]وذالشايب متقاعد[/b][/b]
وشاري له قطيع غنم ..

وفوقها خمسين ناقه , فأخذ يجمع له دراهم لين صار عنده حول
[b][b]الخمسة وثمانين ألف ريال[/b][/b]
فقام و توكل على الله وعزم يروح يدور له وايت. ..

صدفه و هو يمشي ,, يلقى ناس
مجتمعة في أرض فضاء كبيرة
و حولهم وايت واقف.
تعجب الشايب
, قال بس لقيناه
خلني اروح ..
أوصل هناك وأشوف كم هو واصل سومه و إذا هم حادينه اشوف كم هو عليه.

وصل عندهم الشايب ووقف يسمعهم يحرجون ,
[b][b]وأستانس بالحيل لأنه ماهو غالي.[/b][/b]

وإلا ذاك الرجال..
ماسك الميكروفون ويحرج 50,,52,,55,,ومن قال زود ,
قال الشايب بس شكلهم يحرجون على الوايت ولا هوب بغالي
[b][b]وإن شاء الله يكون من نصيبي.[/b][/b]
وخش معهم بالحراج ,,,56,,,ويزودون...ويزود...ويزودون...ويزود.
المهم وصلوه 75,,,قام خربها وقالهم ,,,80
هو قالهم ,,80,,يوم طخوا كلهم و سكتوا..!..وهجدوا..!!..
[b][b]والتفتوا عليه!!![/b][/b]

يناظرونه..و يناظرون بعضهم..يوم تغامزوا ونقزله واحد منهم..
[b][b]وسحبه على جنب[/b][/b]
وقاله شف يا رجال أنت باين عليك أبن حلال وطيب بالحيل ,
[b][b]وش رايك لو نعطيك شيك!!![/b][/b]
بمليون ريال الآآآآن ,,
بس مانشوف وجهك واقف معنا بالحراج .
انصدم الشايب ..أفتر راسه شوي وقال هااااا..
[b][b]وش السالفة..؟؟؟[/b][/b]
مليون ريال ..وليه..؟؟
قال له الرجال (خويهم)
[b][b]بس خذ هالشيك وتوكل على الله
والله يستر عليك ولالك بالطبخه.[/b][/b]

وش اسمك ؟؟.
[b][b]عطاه أسمه وكتب له الشيك بمليون ريال[/b][/b]
وطلع الرجال من الحراج وهو مايدري
وش السالفه!!!.
طيب وش العلم علمني ..؟؟
إلا واحد قال له .
[b][b]الجماعة يحرجون على المخطط وواقفين بالصدفة جمب الوايت اللي[/b][/b]
جايبينه يرشون به الأرض علشان يحرجون.
والحراج من اليوم بــ 56 مليون و 75 مليون..وابو الشباب (الشايب)
[b][b]خش عليهم عرض[/b][/b]
ولايدري وش العلم.

وهم بعد أخترشوا شوي يحسبونه هامور وبيلطش عليهم المخطط ..
[b][b]قاموا صرفوه بمليون ريال..[/b][/b]
وهو ماصدق. طاير من الفرحه,,مليون,,ويقول بخاطره ..
عجزت وأنا اجمع خمسة وثمانين ألف ويجيني ذا الرزق من الله
فسبحان الله مقسم الأرزاق على عباده.
الرزق مثل الأجل يتبعك..

******
الله يرزقنا بمخطط بالغلط.
ماحولكم وايت للبيع
[b][b]هههههههههه....[/b][/b]
تحيات
اخوكم
الصقر
الفارسي